[i5o₉]

DE LA VILLE DE PARIS.

153

Ordre dullbr en procession, entre les Prevost des Marchans et Eschevins et ceulx de Chastellet.

Et lé lendemain furent faictes processions generales de Nostre Dame de Paris à Saincte Geneviefve. Et est assavoir que peu avant de partir pour aller en lad. procession, y eust quelque altercacion dedans le cueur de lad. eglise de Paris, entre les lieutenans civil et criminel, advocatz et procureur du Roy et autres officiers de Chastellet d'une part, et lesd. Prevost des Marchans et Eschevins et autres officiers de la Ville d'autre part, pour la prééminence des lieux en cheminant à lad. procession; car lesd, lieutenans et autres de Chastellet vouloient pretendre marcher devant et au dessus desd. Prevost des Marchans ét Eschevins et autres officiers de la Ville. Et pour obvier à débat et desordre, fut la matiere mise en termes et debatue par les parties, par devant mess" les presidens de la Court de Parlement qui là estoyent.

Et finablement, parties oyes, fut ordonné par mesd. sⁿ les presidens, par provision, que lesd. Prevost des Marchans et Eschevins qui representent ie Corps general de la Ville, laquelle est capital de ce Royaulme, tiendroient de leur costé senestre de la rue le dessus, et lesd, lieutenans et autres officiers le dessoubz, marchans ensemble led. Prevost des Marchans et led. lieutenant civil; en après, l'ung des Eschevins et le lieutenant criminel; en après, ung autre Eschevin et l'ung desd, advocatz du Roy ; et sic de singulis selon leurs degrez, lesd, de la Ville tousjours au dessus, de leurd, costé senestre.

Et ainsi fut procedé en lad. procession sans débat ne desordre. Et au devant d'eulx cheminoyent les sergens de la Ville et ceulx dc la Douzaine et aucuns archers pour empescher la presse. Et du costé dexlre de la rue marchoient mesd. s^rs les presidens et conseillers de la Court de Parlement, par bel ordre deux à deux,

CCXLVIII. —-- Reduction de la ville de Bresse en l'obeissance du Roy.

i et 2 juin i5og. (Fol. 2o4 r°.)

Oud. an mil v° neuf, le vendredi premier jour de Juing, furent receues ou Bureau de la Ville autres lettres du Roy et de mons^r le Chancelier pa r lesquelles led. S^r faisoit assavoir que la ville de Bresse, que les Veniciens tenoient par avant, s'estoit mise et reduicte on son obeyssance; laquelle ville est des plus fortes du pays (^]). Et furent de ce faictes autres processions generales enla Cité, esquelles furent mess™ les presidens et conseillers de la Court de Parlement, et mess™ les Prevost des Marchans et Eschevins de la Ville, et grant nombre de bourgois et habitans d'icelle. Et pendant icelles processions et par tout le jour furent sur le portail du cueur de l'eglise de Paris deux banieres ou guidons de soye qui avoient esté gaignez par le Roy sur lesd. Veniciens ; lesquelles banieres ou guidons led. S^r avoit envoyées par deçà, pour estre portées et mises à Saint Denis en France en signe de victoire et perpetuelle memoire.

Procession X Saint Denis en France.

Et le lendemain ensuivant,second jour dud. mois de Juing, furent portées lesd, banieres par les archers et arbalestriers de la Ville aud. lieu de Saint Denis en France ; et là se trouverent deux de mess" les presidens et aucuns conseillers de la Court de Parlement, les Prevost des Marchans et Eschevins, et grant nombre de bourgois et habitans de cested, ville. Et furent aud. lieu faictes processions et portées lesd, banieres desployées par les cappitaines des archers et arbalestriers armez tout à blanc, et en après fait le service moût sollempnell où assistèrent les dessusd. Et iceluy parachevé, furent lesd, banieres en-rollées et mises de costé et d'autre du grant aultel de lad. eglise Saint Denis, en signe de perpetuelle memoire.

O Brescia, tombée au pouvoir de l'armée française après la victoire d'Agnadel, ainsique les villes de Bergame, Crème, Crémone et Pcschiera.